Балканското првенство во Р.Србија

планински велосипедизам

 XC  Cross Country – Црна Трава 2010

      Во организација на Велосипедска Федерација на Р.Србија, под покровителство на Интренационалната Унија на Велосипедисти  UCI од 30 - Јули до 1 - Август во близина на Лесковац и Власинското Езеро, поточно во градчето Црна Трава се одржа Балканското првенство, планински велосипедизам во категоријата на XC Cross Country.  Домаќинот велосипедскиот клуб од Црна Трава, одлично ја припремил патеката во должина од 4,6 км низ прекрасните природни убавина што се пружаат во близина на Власинксото Езеро на надморска висина од 1300м. Самото градче е сместено низ долот по истекот на реката од езерото, и се протега и од десната и од левата страна на падините на планината.

     Интересно е тоа што стартната рамнина е во самиот центар на градот и беше посебно доживување како за натпреварувачите така и за жителите. Самата околина изобилува со потоци и реки со што добива на атрактивност со двата постоечки мостови и еден посебно направен за оваа пригода. Стартот започнува на самиот плоштад па следи преминување на еден од асфалтните мостови и започнува напорна угорнина каде како подлога е зелена и влажна трева со што уште потешко им беше на влосипедистите за искачување, следеше стрмен спуст на слична подлога каде што се случија и неколку падови, а многумина и не се осудуваа да се спуштат туку трчаа надолу со велосипед во рака, следи сплет на интересни моменти, влегување во подземен тунел од градскиот хотел, односно тунелот е технички за достава во хотелот, па следи влез во каменото рекно корито и преминување преку дрвениот мост посебно направен за натпреварот, следи влез во школскиот двор и одличен одскок на 8 скали но во обратен правец нагоре при што скалите беа надоплонети со земја и претставуваа посебен сегмент од патеката. Следеше рамен дел на кој беа поставени боксовите за техничка подршка, дополнување на вода и енергетски напитоци, излез од училишниот двор и повторно преминување на реката па напорна угорнина за влез во боровата шума по што следеа стрмни и брзи свиоци низ дебелите стебла, голем дел од нив заштитени со душеци и дополнителни мрежи, технички захтевна патека за искусни велосипедисти со брз слалом низ густата шума и подскокнувања на испакнатите корења од дрвата, кои организаторот намерно не ги остранил за да се почуствува дополнителна возбуда и посена техника каде малкумина од натпреварувачите се движеа со полна брзина, голем завршен спуст и повторно се наоѓате на асвалтот на стартната рамнина.

     На поканата од ВФ на Р.Србија како главен организатор учество пријавија репрезентациите на Црна Гора, Босна и Херцеговина, Македонија, Бугарија и Кипар и тоа во пет категории, Млади Кадети под 15 години,  Кадети 15 - 17, Јуниори 17 - 19, Сениори 19 - 23, Елит 23 -30. Репрезентацијата на Македонија се претстави со победниците од неодамна одржаното државно првенство во Охрид и тоа со тројца натпреварувачи во категоријата на Елит и тројца во категоријата на Јуниори, од кои според категоризацијата на UCI, беа распределени во различни категории и тоа: 

                                       Љубиша Кондев ......... Елите 

                                              Горан Кузманоски ..... Елите

                                       Влатко Костадинов .... Елите

                                       Димитрија Јованоски .... Сениори

                                       Владимир Бошкоски .... Јуниори

                                       Јован Јованоски .... Мади Кадети

      Целосниот остварен успех на репрезентацијата е на солидно ниво, но сепак изненадувачки резултат постигна Јован Јованоски во класата на млади кадети кој за прв пат учествува на ваков меѓународен натпревар и успеа да се избори за бронзениот медаљ, со што на некој начин го скрши мразот и ќе остане запаметен во историјата на Македонскиот Планински Велосипедизам, со освојување на првата медаља за репрезентацијата на  Македонија. Огромен успех за Јован кој активно како лиценциран велосипедист на нашиот клуб е само нецела една година но сепак со одлични резултати, на првата трката за ранг листа го освои петтото место, на државниот ХС натпревар го освои третото место и тоа во групата на јуниори и покрај тоа што е на четиринаесет годишна возраст, сепак на оваа балканијада во класата на своите врсници, млади кадети под 15 години,  во тесна борба со Црногорските велосипедисти успеа да го освои третото место, пред натпреварувачите од Србија кои иако во поголем број за жал останаа без медаља во оваа класа.